الجميلة والفهد بقلم سميه احمد
غرام بعصبية ااااه منك وربي لهوريك يا فهد
غرام بزعيق متحترم نفسك بقي
فهد بعصبية ام لسانين اخرسي نايمه جنبي وبتقوليلي احترم نفسي مش عارف مين اللي يحترم نفسه بصراحه
وقفت غرام وقالت بعصبية اعترف إنك قدامي مبتقاومنيش
قرب منها فهد وهمسلها واتوترت غرام مين قالك كده بالعكس انتي اللي قدامي مبتقاوميش شوفي نفسك متوتره ازاي
غمزلها فهد ومشي وسابها
دخل المحل بتاعه وهو متعصب مش طايق حد ولا طايق يتكلم مع حد وصلته لدرجه مبقاش قادر يتحكم في عصبيته
حاول يتشغل بس هيا مسيطره علي دماغه مش عارف يخرجها من تفكيرة مسك الكمبيوتر بتاعه ورزعه في الحيطه بعصبية
اياد فهد في اي انت كويس
فهد بزعيق ايوه أنا زفت علي عينك وعلي عينها
اياد طب وأنا مالي اتشتم يعني
زعق فهد بعصبية ايااااد اخرس واخرج براا علشان مطلعش كل عصبيتي فيك
نزلت غرام لمامتها ولقيت عندها مامت فهد وندا صحبتها مسمعتش كلامة ونفذت اللي فدماغها رغم انه منبه عليها متتطلعش برا البيت
بصتلها نور بحزن وقالت بعتاب جاية تسمعيها بعد اي بعد ما خلتيني احس اني مكنتش الأم الوافية اللي تقدر تفدي بنتها بعيونها
بعدها بشوية نزلت هدى بيتها تاخد علاجها وتنام شوية دخلت نور بعد ما هديت غرام شوية تنام قعدت ندا وغرام مع بعض
غرام بسرحان وايه الفايدة نفسي اعرف ازاي بقيت مراته وازاي يعمل معايا كده ويطلبني محتاجه اقعد واتكلم معاه وافهم كل حاجه بس فهد مش زي الأول فهد اتغير وواضح ده مش راضي يقول اي كلمه بيلومني علي كل حاجه وشايف نفسه صح
ندا بتصحيح غلطانه فهد لو متغير فا هو بيلوم نفسه فهد
هزت راسها وقالت بسرحان ربنا يسهل
اتكلمت ندا بسعادة المهم حابه اقولك حاجه
ندا بكسوف بصي من الاخر من غير لف ودوران أنا بحب كده بس متخفيش أنا معرفش غير اسمه
غرام بتسأل اعرفه
فركت ايدها بتوتر وقالت ايوه تعرفية إياد صاحب فهد محدش يعرف غيرك يا غرام اوعي تقولي لحد
قربت منها غرام وحصنتها وسالتها انتي متأكده من مشاعرك من نحيته
ندا بسعادة زي ما أنا متأكده اني قاعدة قدامك وبكلمك
قطع كلامهم خبط علي الباب جامد جريت غرام وفتحت الباب لقيت فهد في وشها وووو
أي نزلك هو أنا مش قايلك متخرجيش من البيت كلامي مبيتسمعش ليه
قالها فهد بعصبية لغرام بصتله غرام پخوف من عصبية عمره ما كلمها بالطريقة دي وحتي لو زعق بيرجع بعديها بشوية وبيبقي هادئ
رد فهد بسخرية دلوقتي عرفتي قيمه ماما وجاية تشوفيها فرقت معاكي دلوقتي بعد ما دمرتيها بجد أنا محدش صعبان عليا غير مامتك بس لكن انت متستهليش أفكر فيكي اصلاا عارفه ليه لأنك واحده مدلعه اهم حاجه ترضي كبرئيها وغروها حتي لو علي حساب اللي بيحبوها مش معترفة بغلطك وعايزاني اسمحك قولتلك حقك عليا واسمعي مبرري بس صدقيني يا غرام لو هنتنتهي علاقتنا علشان اقولك الحقيقة ما هقولها عارفة ليه لأن أنا مش هتشكليه علي مزاجك اطلعي فوق اخلصي
نزلت دموعها علي وشها معقولة ده فهد ازاي قادر يبقي قاسې عليها للدرجادي كان خۏفها كله ما بعد الجواز واللي كانت خاېفة منه بيحصل بس هو معاه حق هتلومو ليه وهو فعلا معاه حق هيا جرحتهم مفيش حد اتأذي غير مامتها كان ممكن تسمع مبررها بس هيا غرورها كان عميها
مكنتش انسانه منطقية وسمعت الحقيقة للآخر كان هيحصل اي لو سمعته بالعكس يمكن لو كانت سمعت مامتها مكنتش هتوصل للنقطة دي هتروح لمين دلوقتي امها وكل ما تشوفها ټعيط وتفتكر رد بنتها فهد وكل شوية ېجرحها بكلامة يمكن وقتها فقدت آمانها في الحياة
بس عموما محدش بيخسرك اللي حواليك غير نفسك محدش غير مكانتك عند شخص بيحبك متغيرتش غير بأفعالاك وطريقتك مفيش حد يقدر يتغير من ناحيتك في يوم وليلة مش مطلوب منه يطبطب عليها بعد ما جرحته غير لو كرم منو او أنه مثلاا بيحبها
طب اشمعنا هو استحمل كل حاجه علشانها قدر يجي علي نفسه كتير علشانها بس هيا مقدرتش كل ده
أوقات احنا كأشخاص بنعمل حاجات كتير جميلة وحلوة في حياة الاشخاص اللي حوالينا بنقدم كل حاجه من غير أي مقابل ومش بنبقي مستنين مقابل بس أوقات بنغلط وغلطتنا بيبقي يكاد يكون معډوم من تافهته بنبقي مستنين الحلو يمسحلنا الۏحش او الغلط اللي عملناه والأكيد أننا مش بنعمل الفعل ده إلا علشان خاطر الطرف التاني بس في الآخر احنا اللي بنطلع غلطانين
بصتله غرام ودموعها مغرقة وشها طلعت ندا لما لقيتها اتأخرت
ندا فهد ادخل واقف برا ليه
فهد لا أنا طالع انزلي لماما وشوفيها قعدتك هنا ملاهاش لازمة إذا كان بنتها سابتها هتبقي عليها أحن من بنتهاا
قال فهد كلامه وهو يقصد غرام ازاي في شخص قادر يلقي عليك كلام يجرح بكل معني الكلمة وكأنك شخص بدون مشاعر
حاولت تخرج صوتها بشكل طبيعي ممكن تعديني
بعد فهد وطلعت غرام بهدوء تام مردتش عليه ولا قالت اي كلمة كل اللي عملته انها مشيت وسابته
نزلت ندا وبص فهد علي طيفها وهيا طاله مشيتها تدل علي إنها
شخص تايه ضايع بيدور علي الامان في اللي حواليه بس مش لقي
اتنهد بإرهاق لازم افوقك من اللي انت فيه لازم اعرفك وافهمك إننا مش هندوم في حياتك مش هنقدر نشوفك بتجرحينا وبتجرحي اللي حواليكى ومكملة حياتك عادي لازم تبقي شخصية قد المسؤالية تخافي علي مشاعر غيرك كأنها مشاعرك لازم افهمك أن كل اللي بيحبك مش هيقدر يستحمل دلعك كتير بس لو عليا هستحملك العمر كله
طلع فهد وراها وهو خاېف من هدوئها عادتنا غرام مش بتسكت بترد بس هدوئها ده بيدل إنها فعلا مچروحه
دخل فهد البيت ودور عليها في اوضة النوم الخاصة بيهم واوضه الاطفال ملقاش ليها اي أثر قعد علي الكنبة بإرهاق وهو شايل جبل من الهموم بس أكبرهم هو غرام
الحمل بيبقي خفيف لما يشيله اتنين
سمع صوت باب بيتفتح بص فهد ناحيت التواليت وشافها خارجه منه وكانت لبسه بيجامة زرقاء شبه لون عيونها
جت غرام وقعدت
علي التربيزة اللي قصاد الكنبة اللي كان قاعد عليها
غرام عارف يا فهد أنا سمعت كلام كتيرر وحش واتعودت عليه ومكنش بيفرق معايا صدقني بس أنت يا فهد غير عارف ليه غير عمرك ما چرحتني بنص كلمه
عمرك ما زعلتني الضړبة جت منك وحشه اوي وبتوجع
حطت إيديها مكان قلبها وقالت وهيا بټعيط جت وحشه لدرجه ان ده اتكسر ميلون حته مش قادرة اصدق
همسلها أنا لما جرحتك بالكلام كنت بچرح نفسي قبل ما أزعلك صدقيني خرج مني وأنا عايز اضرب نفسي بمليون جزمة قديمة أنا ممكن اغفرلك اي غلط بس انت يا غرام جرحتيني وجرحتي مامتك كسر القلوب مش بالسهل ولا بهين
قعدها فهد علي الكنبة وقال شوفي يا حبيبتي أولا دي كانت تجربه قاسېة بنسبالك وبنسبالي بس الأكيد إنك تشوفي غلطك فين وتصلحيه وأولهم إنك تصلحي من نفسك مش معني كلامي إني مش متقبل عيوبك لا أنا لما حبيتك مبصتش ليهم اصلاا عايزة افهمك حاجه حاول متجيش علي اللي قدامك بسبب غرورك اسمعي اللي قدامك للآخر حتي لو مفيش داعي تسمعيه متدوسيش علي قلب حبك علشان كرامتك كلنا والله عندنا كرامة بس في فرق بين إنك تيجي علي اللي قدامك علشان كرامتك وتكسري قلبه
هزت راسها وقربت من فهد ودموعها بتنزل من عيونها
كمل كلامة وقال أنا والله ھموت وأنام وبما إنك راضية علينا تعالي ننام في اوضتنا
كانت قاعدة بترسم وهي بتغني فجأة جالها ماسدج من نفس الرقم المعتاد حطت القلم في شعرها بعشوائية
الماسدج
رفضك لحاجه مش هيقلل منك بالعكس يمكن يكون بداية لعلاقة وقصة حب جديدة شوفي مين عمال يلف وراكي ليل نهار وانت رافضه لو بجد موافقة عليا ابعتي ماسدج وقولي أو أي اشارة ووقتها هكون عندك من بكره
انعقدت حاجبها بأستغراب وقالت مين ده هو أنا رفضت مين قريب اصلاا
صوت ندا مرة واحدة لما استوعبت إن ده إياد فتحت هدى الباب علي صوت بنتها وهيا بتصوت
هدى بخضة أي يا متخلفةة خضتيني
ندا هاا لا يا ماما افتكرت حاجه ونسيت اقول لغرام عليها
هدى اهاا طب رني علي اخوكي ينزلوا يتعشوا عندنا بقالو كام يوم مش بيجي وعاملته أكل من اللي قلبه بيحبهم
رنت ندا علي فهد حوالي تلات مرات ومحدش رد ورنت علي غرام
كانت نايمة سمعت صوت فونه وهمست فهد فونك بيرن
رد عليها وهو رايح في النوم سيبك تلقيه إياد أو داغر
قفل فونه وكمل نوم بعدها بشوية رن فون غرام
زفرت غرام بضيق يووهه بقي مش عارفة أنام نص ساعه علي بعض
ابتسم فهد علي عصبيتها وهو نايم وهمس أنت روحك في النوم
غرام بضيق ويارتني عارفة أنام
بعددت غرام عن فهد وقعدت علي السرير ورنت علي ندا
غرام
نعم يا عيوني
نعم الله عليكي خلصتي الرصيد اللي حلتي عليكي انت وجوزك
بس يا معفنة براحتي أنا وجوزي وبعدين انت تطولي اصلاا ترني علي فهد بيه وحرم الفهد
ندا بسخرية يبنتي بطلي غرورك ده مش كفاية جوزك مغرور هتبقوا انتوا الاتنين ده اي الهم ده يا ربي
ضحكت غرام علي ندا وردت بهدوء ايوه كنتي متصلة ليه صح!!
ماما قالتلي اقولك انت وفهد تنزلوا تأكلوا عندنا علشان عامله الأكل اللي بيحبه فهد
اوك هصحي فهد وهننزل علطول يلا باي يا حبيبتي
رفع فهد رأسه وسألها وعين مقفوله وعين مفتوحة في حاجه هما كويسين
ضحكت غرام علي شكلة وردت هما بخير بس عايزاك تيجي تأكل عندها وعامله الأكل اللي بتحبه
غرام ببكسوف فهد متبقاش رخم وابعد
رد فهد بخبث أنا رخم عادي قوليلي بقي كنتي بتقولي لندا إيه
غرام بأستغراب بقولها اي مش فاكره اصلا كنا بنتكلم
