روايه جديده بقلم هاحر

نحو فراشها لتيقظها 
ماجدة سمااا قومي يا سمااا إتأخرتي علي الجامعه 
سما بنعاس يا ماما سيبني دماغي مصدعة مش قادرة أقوم 
ماجدة بتساؤل طب مش هتروحي الجامعة 
سما لا مش هروح إنهاردة
نظرت علي ملابسها لتجدها بملابس الخروج 
ماجدة بتساؤل إنت ماغيرتيش لبسك إنت جيتي الساعة كام إمبارح
سما بتأفف يا ماما سيبيني بقي لما أقوم أبقي أقولك 

تنهدت ماجدة وقررت أن تتركها لتخرج وتجد صلاح جالس علي السفرة وبجانبه نهي لتقترب نحوهم ثم جلست 
صلاح بتعجب إومال فين سما ما صحتهاش ليه عشان تفطر وتلحق تروح الجامعه
ماجدة بتقول مش قادرة تروح وشكلها تعبان سيبتها تنام 
تفهم صلاح ليقوم من مجلسه 
صلاح الحمدلله يلا أنا رايح الشغل عايزين حاجة 
نهي وماجدة سلامتك 
ليتركهك ويذهب للشركة 
في منزل سهر 
إستيقطت سهر وقامت بإعداد الفطار وتناولت مع جدتها وإرتدي ملابسها ثم ذهبت للشركة لتقابل أميرة ويدلفا سويا وما إن وصلا لمكتبهم وبعد قليل جاء هيثم وقام بالصباح عليهم 
هيثم برزانة صباح الخير 
قاموا بالصباح عليه ليكمل حديثه وهو ينظر لأميرة 
هيثم حمدالله علي السلامة مدام أميرة إبنك عامل إيه دلوقتي 
أميرة بإبتسامة كويس الحمدلله بقي أحسن
هيثم لو كده كنت عادي قعدتي معاه ما كنتيش سيبتيه
هزت أميرة رأسها نافية 
أميرة لا كفاية كده عشان الشغل وكمان مش عايزه أخلي سخر تتعب معايا كفاية شغلها 
هيثم وهو ينظر لسهر فعلا سهر تعبت إمبارح وبقت كويسة جدا في الشغل
نظرت له ثم لاحت إبتسامة هادئة علي ثغرها بخجل 
أميرة ما
أنا عارفة والله وكنت واثقه إنها هتثبت نفسها هناا وكمان أنا هبقي هطمن عليه كل شوية 
هيثم ربنا يطمنك عليه
أميرة يااارب 
ليتركهم ويذهب لمكتبه ثم جلس علي كرسيه ورفع سماعه الهاتف 
هيثم بجدية القهوة بتاعتي تطيلي علي المكتب
ليغلق الخط ثم بدأ يتابع عمله وكذلك سهر وأميرة وبعد مدة طلبهم هيثم لكي يأتوا ويشرح لهم المناقصه الجديدة 
بعد إنتهاء دوام العمل خرجت سهر وأميرة من الشركة وودعت أميرة سهر ثم ذهبت مع زوجها لتقف سهر وتنتظر نهي فلمحتهاثم شاورت لها لتقترب منها نهي وتقوم بمصافحتها 
نهي بفرح عاملة إيه 
سهر بإبتسامة الحمدلله أخبارك إيه 
نهي تمام إيه ده بابا أهو لما أروح أقوله بقي عشان ما يقلقش 
سهر بتساؤل إنت ماقولتلوش !!
نهي لا نزل علي طول 
لتذهب نهي وخلفها سهر نحو والداها ليتعجب صلاح عندما رآها 
صلاح نهي !! بتعملي إيه
هنا 
نهي كنت جاية عشان أخد سهر ونروح نشوف فستان الفرح 
صلاح أااه طب انتوا هتروحوا لوحدكوا ولا إيه 
نهي أيوه يابا هنشوف الفستان ونلف شوية 
صلاح تمام بس ما تتأخروش 
نهي ما تخافش مش هنتاخر يلا يا سهر 
لينظر لسهر ببرود ثم يتركهم ويرحل بينما سهر ونهي قاموا بإيقاف سيارة أجرة لكي توصلهم 
في قصر عز الدين 
كانوا يجلسون يتحدثون في أمور عديدة 
سهير موجهه حديثها لهيثم بقولك يا هيثم أنا جيبالك عروسه إنما إيه جميلة وبنت عيلة كبيرة 
نظر لها بتأفف 
هيثم يا ماما قولتلك مېت مره ما بحبش كده وقولتلك أنا مش عايز أتجوز دلوقتي 
سهير بصوت عال نسبيا هو أنا كل لما أكلمك في الموضوع تقولي كده يا بني أنا نفسي أفرح بيك 
نظر لها پغضب ليتدخل الجد في الحديث ماماتك عندها حق هتفضل إنتي تتحايل عليك كفاية مش تعمل في نفسك كده عشان واحده ما تستهلش 
لينظر لجده پصدمة وهو يقول بس أنا مش بفكر فيها 
الجد وقد علا صوته لا لسه بتفكر فيها والدليل أهو إنك مش عايز تتجوز لحد دلوقتي 
زفر هيثم بضيق ليتابع الجد بحب يا بن نفسنا نفرح بيك بقي ونفسي أشوف حفيدك قبل ما اموت
أغمض عينيه پغضب ليهدأ من نفسه ليفتحها وهو ينظر لجده بهدوء 
هيثم بعد الشړ عليك يا جدو خلاص سيبوني أفكر
سهير بفرح يعني أقولهم ونروح تشوفها 
نظر لوالدته وهو يتنهد بخفوت 
هيثم بنفي لا يا ماما أنا قولت هفكر وكمان لو فكرت أنا إللي هختار البنت إللي تكمل معايا 
سهير بس 
ليقاطعها الجد سبيه يا سهير هو إللي يختار عروسته 
أماءت رأسها بمضض بينما قام هيثم من مجلسه 
هيثم أنا طالع أريح شوية 
الجدة مش هتتغدي معانا 
هيثم والله يا تيتا ما قادر أريح شويه وأبقي هاكل كمان شوية 
الجدة ماشي يا بني
الفصل التاسع 
في صباح يوم جديد 
ينزل من الدرج بيهبته المعتادة ثم دلف غرفة الطعام ليصبح علي الجميع 
هيثم صباح الخير 
الجميع صباح النور 
جلس في مكانة ثم بدأو يتناولون إلي أن قطعهم هيثم وهو ينظر لهم 
هيثم بجدية إحم أنا كنت عايز أقولكم حاجة 
إنتبه له الجميع فنظر له الجد بتساؤل خير يا هيثم في إيه 
تنهد هيثم بعمق أنا قررت أتجوز 
نظروا جميعا له بدهشة لا يصدقون إنه أخذ هذا القرار 
سهير بسعادة بجد يا هيثم
هيثم بإبتسامة أيوه يا ماما 
سهير بحماس وأخيرا ياهيثم هتريحنا وتتحوز أنا هكلم حكمت وأحدد معها معاد عشان تشوف بنتها وأنا واثقه إنها هتعجبك 
هز رأسه نافيا حديثها 
هيثم بس يا ماما مش دي إلي هتجوزها 
عقدت سهير حاجبيها بتعجب لتقول إومال مين !!
تنهد هيثم بعمق سهر السكرتيرة بتاعتي 
نظروا له پصدمة جميعا 
سهير بصوت عال نععععععم السكرتيرة !!
هيثم بتأكيد أيوه يا ماما وأنا قولت لحضرتك إني أنا إللي أختار وخلاص إخترت 
سهير بحدة إزاي يعني يعني لما تيجي تختار تختار سكرتيرة إنت فاهم بتقول إيه !!!
نظر لها الجد بجدية 
الجد بهدوء إستني يا سهير نفهم 
سهير بنفس نبرتها المنفعلة نفهم إيه بس حضرتك مش شايفه بيقول إيه السكرتيرة إللي مش مستوانا أصلا 
الجد بصوت عال نسبيا في إيه يا سهير ما قولتلك إستني 
ڠضبت من حديثه لتصمت فنظر الجد لهيثم وهو يقول بتساؤل إنت متأكد يا هيثم من قرارك ده 
هيثم بجدية أيوه جدي متأكد وكمان أنا مش ببص للمستوي وبعدين هي بنت جدعه وأخلاق وكويسه جدا إيه رأيك يا جدي 
تنهد الجد إللي تشوفه يا بني ده قرارك وأنا معاك فيه 
إبتسم هيثم ثم نظر لوالده 
هيثم وحضرتك يا بابا 
فهمي بص يا هيثم أي قرارا هتاخده إحنا معاك فيه كفاية إنك فكرت في الموضوع بجد وهتفرحنا وكمان صلاح كويس وهو إللي مربي بنت أخوه فأنا واثق في كده 
إبتسم هيثم له فنظر لجدته بتساؤل لتقول بإبتسامة ألف مبروك يا حبيبي وإن شاءالله تبقي الزوجه الصالحه 
سهير بسخرية ياعني خلاص كلكوا وافقتوا وطبعا ماحدش سألني إذا كان أنا موافقه ولا لا 
هيثم بتنهيدة يا ماما مش إنت عايزاني أتجوز أنا أهو حققت حلمك وهتجوز وكمان يا ماما أنا واثق في البنت وأخلاقها كويسه ومتربيه كويس 
الجد بجدية سهير إحنا مش بيهمنا المستوي أهم حاجه الأخلاق وإبنك بيشكر فيها وكمان جوزك وأنا بصراحه من كلامهم عليها إرتحت هو خلاص بقي راجل
ويعتمد علي نفسه فسبيه ياخد الخطوه دي 
تأففت بضيق إللي تشوفوه 
ثم تركتهم وتوجهت للأعلي فتنهد هيثم بخفوت لينظر له الجد 
الجد بإبتسامة ما تقلقش هي شويه وهتروق وأكيد هتوافق لأنها عايزه تفرح بيك 
فهمي بتساؤل إنت هتكلم عمها صص 
هيثم أيوه يا بابا 
فهمي لو عايزني أنا أكلمه مافيش مانع 
هيثم بنفي لا يا بابا أنا إللي هكلمه وهتفق معاه وخير إن شاء الله 
الجد إن شاء الله
في شركة عز الدين تجلس سهر وأميرة يتحدثون معا 
أميرة سهر هو أنا كل لما أجبلك ترفضي
سهر بتنهيدة يا بنت أنا قولتلك مش هينفع خااالص عشان تيتا مش عايزه أسيبها لوحدها وإنت عارفة عمي 
أميرة والله شكلك عارفة حد ومستنياه 
فرغت سهر فمها بدهشة أنااا !!! والله أبدا أنا عمري أصلا ما إتعملتش مع حد أو دخلت في علاقة بس أنا عجباني حياتي كده 
أميرة بنفاذ صبر أنا غلبت معاكي والله خلاص إنت حرة 
سهر بإبتسامة أيوة كده تعجبيني إقفلي علي الموضوع ده بقي
كان يقف يستمع لحديثهم وتأكد إنها غير مرتبطة ليحسم أمرة وقرر أن يخبر عمها بهذا القرار رفع سماعة هاتفه وقام بالمهاتفه 
هيثم بجدية مدام أميرة إبعتي لصلاح يجيلي المكتب
أميرة بتعجب تمااام يا فندم !!
تسائلت سهر عن ماذا يريد لتقول أميرة مستر هيثم عايز أستاذ صلاح في مكتبة 
عقدت سهر حاجبيها بتعجب أيمكن أن حدث شئ 
سهر بقلق هو أنا عملت حاجه غلط ولا إيه 
أميرة بإطمئنان يا بنت إهدي هو أكيد عايزة في شغل يعني إن شاء الله خير 
سهر بشرود إن شاء الله 
قامت امير بإخبار صلاح لمجيئة وبعد مدة جاء صلاح وظهر علي ملامحه التساؤل 
لينظر لسهر بنظرة تعرفها جيدا ليقول موجها حديثة لها 
صلاح أكيد عملتي حاجه !! 
كادت سهر أن تجيب ولكن قطعتها أميرة موجهه حديثها لصلاح 
أميرة أستاذ صلاح إتفضل دلوقتي عشان مستر هيثم مستني حضرتك 
تنهد بخفوت ثم تحرك لمكتب هيثم نظرت أميرة لسهر 
أميرة بإطمئنان يا حبيبتي ما تقلقيش 
سهر
پخوف إنت مش شايفاه بصلي إزاي 
أميرة أيوه شوفته وربنا يهديه وإن شاء الله مافيش حاجة 
في مكتب هيثم دلف صلاح بخطوات ثابته ظاهرا علي ملامحه القلق 
صلاح أستاذ هيثم حضرتك طلبتني 
تنهد هيثم بعمق أيوة يا أستاذ صلاح إتفضل أقعد 
جلس صلاح بينما تابع هيثم حديثه 
هيثم برزانة وبدون أي مقدمات بص يا أستاذ صلاح أنا طالب إيد سهر 
فرغ فمية پصدمة لا يصدق ما قاله أيعقل إنه يريد أن يرتبط بها لما هذا أدرك هيثم إنه لم يستطع التحدث فأكمل 
هيثم بتفهم أنا مش عايز الرد دلوقتي المهم تاخد رأيها الاول انا عارف الأصول كويس وماردتش أكلمها فقولت أتكلم معاك الاول و نعمل قاعدة تعارف وخير إن شاء الله 
تنهد صلاح تمام يا فندم أسالها وحضرتك تشرفنا في أي وقت 
أماء هيثم رأسه بإيجاب ليقول وأنا مستني الرد 
صلاح بإبتسامة إن شاء الله حضرتك تؤمرني بحاجه تانية 
شاور له هيثم لا إتفضل 
قام من مجلسه وإتجه نحو الباب لكي يخرج وما إن خرج نظر لسهر مرة ثانية لتنظر له بتوتر فتركها ورحل فنظر سهر لأميرة 
سهر تفتكري حصل إيه أنا قلبي مش مستريح 
أميرة بإبتسامة يالهووووي يا بنت إهدي كده وطالما ما إتكلمش معاكي خلاص 
سهر بإرتياح ممكن برضوا خييييير 
أميرة بمرح بالظبط كده يلا بقي خلصي الملفات عشان مستر هيثم ما يعملش مننا كفته لو لاقانا مش بنشتغل 
سهر بضحك هههههه يالهووي عليكي طيب 
لتذهب سهر لمكتبها وتقوم بعملها وكذلك أميرة 
حل المساء في منزل صلاح 
يجلس مع عائلته يتحدث في ذلك الأمر 
ماجدة بغل المدير مرة واحدة البت دي دايما محظوظة كده 
سما پحقد أنا مش عارفة علي إيه واحد زي ده يعحب بيها وعايز يتجوزها 
نهي پغضب الله هي مش بني أدمة برضوا وعلي فكره سهر ألف واحد يتمانها 
نظرت لها سما پغضب وكذلك والدتها فنظر لهم صلاح 
صلاح المهم دلوقتي أنا قررت إني أحدد معاه معاد 
ماجدة بتفكير طب يمكن ما توافقش المحروسة 
صلاح بخبث لا هتوافق وڠصب عنها ده المدير يعني فلوس كتييير وإحتمال كبير هترقي وأمسك حاجه كبيرة فهي لازم توافق
نظرت نهي لوالدها بزعل وڠضب 
سما بخبث تتصدق صح وساعتها هتبقي فوق اوووي وهنطلع كلنا لفوق 
نهي طب ما إحنا الحمدلله عايشين ومرتاحين ومش ناقصنا حاجه إيه لازمه الكلام ده ماتسبوها هي إللي تختار