حب فوق توقعاتى

انتي مش اول وحده في حياتي بس اول واحده في قلبي ...انا بعشقك يا نبيله وانتي مش بتديني اي فرصه اتكلم معاكي ولا اقول لك قد ايه بحبك..انا ممكن اكون عصبي شويه وبغير عليكي شويتين ثلاثه وكمان عايزك ليه انا لوحدي ثلاث اربع شويات بس انا مش وحش والله ده انا عسل اوي واسألي اي حد 
نبيله ضحكت على كلامو ومعتز كمل وقال..والله يا نبيله لو ولفيتي الدنيا كلها مش هتلاقي حد يحبك قدي انا شاري يا بنت الناس والي حصل حصل واتجوزنا هاتي كل ده على جنب و خلينا نبدا من جديد انتي بنفسك هتقولي يارتني سمعتو من زمان 
نبيله بصتلو بطرف عينها وقالت.. انا دلوقتي مجبره اسمع كلامك يا معتز انا ما قدامش غيرك حضرتك بعد ما كتبت عليا والي حصل حصل ..وطبعا انت مش ناوي تطلق..بس لازم تفهم مجبره افضل معاك بس اللي مش مجبر عليه انك تلمسني اياك تقرب لي والله لاخليها ليله سوده عليك 
معتز ضحك واخد السلاح بتاعه وقال..برضو مفيش فايده يعني...طيب انا معايا شغل كثير اصلا مش فاضيلك ..وبعدين ماتبصيلي يا بت كده وتاحمدي ربك 
قال كده ولسه هيمشي قالت بسرعه...استنى هنا...يعني ايه الكلام ده بقى 
معتز قال ...يعني انا القمر اللي كل الناس بتتمناه ده البنات هتضرب بعضها پالنار عليا ..بس اعمل ايه القلب وما يريد وانا قلبي مش بس رايد ده عاشق ودايب 
معتز طلع على شغله وهو و قابل ست قدام الشقه الي جمبهم كانت لابسه لبس مش تمام وقالت مش تصبح يا حضرة الظابط ما تدخل تاخذ لك ساعه 
معتز قال بضيق..نتلم يا اشجان ..انا عامل الحساب الجيره ومش عايزه اعمل لك حفله كبيره 
اشجان ضحكت جامد وقالت.. الحفله الكبيره هتبقى يوم ما هتنورنا يا باشا 
معتز ابتسم بسخريه وقال..الاحسن ما نوركش لان يوم ما انورك هسحلك انت والي معاكي ..العيون مفتحه قد كده ...لو جاني بلاغ واحد عليكي هاجي اشدك وانتي حره 
اشجان قالت بوقاحه ..انت بس لو تشدني 
لسه هيرد بس اتفاجأ بصوتها بتقول او اشدك انا من شعرك يا حلوه 
اټصدم وضغط على ودنو مرتين ثلاثه بيتاكد اذا كان سمع صح ولا لا ...ايوه هو صوتها 
بصلها لقاها واقفه بتبص لاشجان پغضب شديد وقالت هو انتي معينينك هنا تقفي تعاكسي فالطالع والنازل 
اشجان شهقت بردح وقالت وانتي مالك انتي ولا هيه بلاوي على الصبح 
نبيله قالت بضيق... اسكوتي مش اتجوزنا ما باركتليش يعني 
اشجان ضړبت على صدرها وقالت ...يا لهوي اتجوزت...اتجوزت دي ...يا خبتك رجالة ټموت في العصعصه 
قالت كده ودخلت شقتها ونبيله قالت پغضب وصوت عالي..عصعصا..احسن منك يا فشله يا ست إلا 
وبصتلو پغضب وقالت..وانت على اساس رايح شغلك 
معتز مكانش مصدق نفسو وقال... والله كنت نازل ..هيه الي وقفتني...بس انتي طلعتي ليه. 
نبيله قالت پغضب جايه علشان اديلك المفاتيح العربيه نسيتها ورمتهالو وقالت مكنتش اعرف انك بتتساير مع الهانم على السلم قدام الناس فضايح والسلام 
لسه هتدخل شدها بقت بين اديه وقال..الفضايح لسه هتحصل...و على السلم حالا دلوقتي 
نبيله بصت حوليها يمين وشمال خاېفه حد يشوفهم وقالت ...بس يا معتز سبني بتعمل ايه بلاش جنان 
قالل وهو بيبص لعيونها..ده انتي الي هتجننيني لو بتغيري عليا طب بتعملي فيا كده ليه ...ليه بتبعديني عنك...خاېفه من ايه... يا بت انا بعشقك لو قسيت على الناس كلها مستحيل اقسى عليكي ..ولو خنت الناس كلها مستحيل اخونك ..ولو ايدي اتمدت على الناس كلها برده مش متتمد عليكي خاېفه مني ليه 
نبيله اتنهدت