اغرب رد للفنانه الهام شاهين

حلت الفنانة إالمصرية إلهام شاهين ضيفة مع الإعلامي خالد أبو بكر وتحدثت عن قيود الرقابة الرافضة لمناقشة بعض المواضيع وهو ما يزعجها.
وقالت لازم يكون فيه ثقة فينا أنا عندي خبرة كبيرة في الفن وعندي رقابة داخلية وأقدر أعرف إيه المسموح وإيه غير المسموح للمجتمع مينفعش يكون فيه أي جهات أوصياء على المجتمع يشوف إيه وميشوفش إيه ما لو مشافهوش عندك هيشوفوه في المنصات اللي بقت مفتوحة على العالم كله.
وتابعت فيه شباب قالوا لو بتخافوا تناقشوا مواضيع في السينما هناقشها على السوشيال ميديا الدنيا اتفحت جدا والسوشيال ميديا الناس بتناقش فيها كل حاجة لو هنحجم هيتفرجوا عليها على المنصات.

وأضافت الفن لازم يتنفس ويكون فيه حرية بشكل واسع مينفعش نحس بالتقييد وأن الرقابة هترفضه وأقول بلاش قولت لازم أتوقف هو إيه اللي مسموح بيه الكوميدي والأكشن يعني لو متكلمناش في مواضيع هامة ثانية اللي هي الحاجات المحرمات هنتكلم في إيه أنا كإلهام شاهين أنا معرفش أخترع إفيهات ومش هطير في الهواء ولا هكسر عربيات ولا هضرب طيب بعد تاريخي الطويل ده عديت ال  مئة فيلم وأكتر من خمسين مسلسل أعمل إيه
وأشارت الرقابة فيها مشكلة والمشكلة في الناس اللي بتقرأ بتقرر مصيرنا ومصير الفن يقدم إيه وميقدمش إيه فيه جهات طبعا بيعرضوا عليها بعض المواضيع الهامة واترفض أكثر من موضوع كانوا واخدين موافقة قبل كده يعني أنا لما عملت شركة إنتاج اشتريت مواضيع مهمة ومكنش يهمني هتجيب إيرادات كام لأن زي ما عندي تاريخ كنت عايزة يبقى عندي في ال CV بتاعي أعمال مهمة من إنتاجي والحمد لله الأعمال اللي انتجتها أثرت وخدت جوائز كتير ورفعت اسم مصر في مهرجانات دولية.
وأختتمت صلاحية المواضيع انتهت والمفروض يتجدد والتجديد ده مش محتاج مننا إننا نروح تاني الرقابة ونناقش وتفاجئت أن في موضوع اترفض وحسيت إن فيه شيء من التعنت.